प्रतिनिधी, 25 ऑक्टोबर: दाक्षिणात्य चित्रपटसृष्टीतील प्रसिद्ध जोडी रश्मिका मंदाना आणि विजय देवरकोंडा यांच्या वैवाहिक आयुष्याविषयी सध्या सोशल मीडियावर अनेक वावड्या उठल्या आहेत. २६ फेब्रुवारी रोजी विवाहबंधनात अडकलेल्या या जोडप्यात सर्व काही ठीक नसल्याचे म्हटले जात असून, लग्नाच्या अवघ्या आठ महिन्यांतच त्यांच्या घटस्फोटाच्या अफवांनी जोर धरला आहे.
या चर्चांना उधाण येण्यामागे विजय देवरकोंडाचे इन्स्टाग्राम अकाउंट कारणीभूत ठरले आहे. इन्स्टाग्रामवर विजयची फॉलोइंग लिस्ट शून्य असून तो कोणालाही फॉलो करत नाही. त्याने पत्नी रश्मिकालाही फॉलो केलेले नाही. यावरून त्यांच्या नात्यात काहीतरी बिनसले असल्याची आणि ही गोष्ट ‘रेड फ्लॅग’ असल्याची शंका चाहत्यांकडून व्यक्त केली जात आहे. एका युजरने तर चक्क “आणखी एक घटस्फोट लोडिंग?” अशी कमेंट करत प्रश्नचिन्ह निर्माण केले आहे.
एका युजरने सोशल मीडियावर दावा केला की, “धक्कादायक! रश्मिका मंदाना आणि विजय देवरकोंडा यांनी इन्स्टाग्रामवर एकमेकांना अनफॉलो केले आहे. यामागील खरे कारण काय असू शकते? त्यांच्या नात्यात अडचणी येत असल्याच्या अफवा आहेत.” या दाव्याला प्रत्युत्तर देताना दुसऱ्या युजरने स्पष्ट केले की, “त्यांनी सुरुवातीपासूनच एकमेकांना फॉलो केलेलेच नव्हते.” तर आणखी एकाने “एकमेकांना अनफॉलो करणे म्हणजे आपोआप अडचण आहे असे नाही,” असे मत मांडले. प्रत्यक्षात या अकाउंट्सची तपासणी केली असता, विजय कोणालाच फॉलो करत नसला तरी रश्मिका मात्र तिच्या पतीला इन्स्टाग्रामवर फॉलो करत असल्याचे समोर आले आहे.
दरम्यान, अलीकडेच या दोघांनी करण जोहरच्या ‘कॉफी विथ करण’ या लोकप्रिय चॅट शोमध्ये एकत्र हजेरी लावली होती. आता ‘कॉफी विथ करण ९’ मधील विधानांमुळेही ते चर्चेत आले आहेत. एका वर्षभरात रश्मिकाने आपल्याला लग्नासाठी “सुमारे १०० वेळा” विनंती केली होती, अशी कबुली विजयने या कार्यक्रमात दिली होती. खुद्द रश्मिकानेही याला शोमध्ये दुजोरा दिला होता. मात्र, विजयच्या या वक्तव्यामुळे त्याला मोठ्या प्रमाणावर ट्रोलिंगचा सामना करावा लागला होता.
📌 महत्वाच्या बातम्या
- गिरीश महाजन कुंभमेळ्याच्या दलालीत मग्न; अंबादास दानवेंचा जळगावातून हल्लाबोल
- न्यूझीलंडविरुद्धच्या दुसऱ्या टी-२० सामन्यात श्रेयस अय्यरकडून पाकिस्तानच्या क्षेत्ररक्षकांसारखी चूक, सोडला अत्यंत सोपा झेल
- “मी कोणाच्याही प्रसिद्धीवर जगत नाही”, माधुरी दीक्षितच्या स्टारडमविषयी डॉ. श्रीराम नेनेंचा स्पष्ट खुलासा
